ЕР ҚАРТАЙДЫ, МАЛ ТАЙДЫ

(Бір түрі)

Уәли хан қайтыс болғанда Айғаным ханымға Байдалы шешен былай деп көңіл айтқан екен:

Ер қартайды, мал тайды,

Қара көзден нұр тайды.

Екеуледі, ей-ханым!

Мініп келер белді ат жоқ,

Еріп келер жолдас жоқ,

Үшеуледі, ей-ханым!

Келін шайпау, ұл тентек,

Толып жатыр кем-кетік.

Төртеуледі, ей-ханым!

Етік тозды, ұлтан жоқ

Қадір білер сұлтан жоқ

Бесеуледі, ей-ханым!

Қажыр қайтты, күй тозды,

Бастағы тігер үй тозды,

Алтаулады, ей-ханым!

Айта берсем қапам көп,

Жағасы бүгін шапан жоқ,

Жетеуледі, ей-ханым!

Келмейін деп жүргем жоқ,

Келгендер көп, берген жоқ

Мен келдім, Уәли келген жоқ,

Сабыр қылыңыз, ей-ханым!

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі