ҚОРҚЫНЫШ АҚЫРЕТ АЗАБЫНАН САҚТАНУҒА СЕБЕПШІ

Қорқыныш эмоциясы адамды дүниедегі зиянды нәрселерден сақтаумен қатар, ақыреттегі Алланың азабынан сақтануға да итермелейтін фактор. Қорқыныш – иман келтірген құлды шариғат тыйым салған күнәға барудан тежейді, сондай-ақ ғибадат-құлшылыққа көңіл бөлуге бағыттайды. Құран адамға жасаған күнәсі себепті басына келетін қиындықтар мен ақыретте болатын азаптың ауырлығын айтып, қорқыныш эмоциясына әсер ету арқылы оны бұдан сақтануға шақырады.

«Уа, адамдар» раббыларыңа асылық қылып, қаһарына ұшыраудан сақтаныңдар! (Біліп қойыңдар!) Шүбәсіз, қиямет күнінің зілзаласы – алапат құбылыс».