ДЕСТЕ

1. Оралған егіннің бумасы;

2. Буда, шоқ, топ;

3. Деректер шоғыры (инф.)

 

Қайран біздің жеңгейлер!

Өскен ерен,

Егін орып, бау байлап, дестелеген.

(М.Мақатаев, Қайран жандар)

 

Жиналған көп әлеумет,

Тыңдасаң кепті шертейін.

Әңгімені дестелеп,

Түйдегімен кертейін

(С.Сейфуллин, Ұйымдағы әрбір азамат — жалшының қорғаушысы)

 

Осы дестелеп ору деген бір пәле басты қатырды. - Нұржан Тәженді қолтықтап, оңашалау апарды.

(З.Шашкин, Өмір тынысы)

 

Әрбір дестеде алушының (қабылдаушының) адресі көрсетіледі. Бағдарлауыш осы мәліметті пайдалана отырып, әрбір десте үшін бағдар таңдайды.

(Уикипедия, Десте)