ЖЫЛҚЫДАН ҚАН АЛАТЫН НҮКТЕЛЕР

9. Иықтан қан алу

Жауырын мен тоқпан жілік арасындағы буынға сарысу жиналып атты жүргізбей қинайды. Бұл сарысу көп жағдайда шауып келе жатқан атты кенет басын ірке тартып тоқтатқандықтан болады.

Емдеу тәсілі. Жылқыны қозғалмайтындай етіп орналастырады. Содан кейін сарысу ұйыған жерді дәл тауып қандауырмен шаншиды. Дәл тауып шаншылған жағдайда ұйыған сұйық сыртқа өзі ағып шығады.

10. Омыраудан қан алу

Жылқының иығына ақау түсіп ауырса омырау тұсынан қан алған дұрыс.

Емдеу тәсілі. Жауырын мен тоқпан жіліктің қоспасында шошайып тұрған сүйектің (тоқпан жіліктің басы) үш жағынан еттің талшығын бойлатып шаншиды.