ЖИЫРМА БІРІНШІ СӨЗ

(бұрынғыша отыз екінші сөз)

ҒЫЛЫМДЫ ДАУҒА

(БАҚАСҚА) БОЛА ҮЙРЕНБЕ.

Әрбір бақасшыл адам шындық емес,

өзінің жеңгенін ғана қалап дауласады.

Білім мен ғылымды көбейтуге екі қару бар:

Біріншісі – ой жүгіртіп пікірталас қылу.

Екіншісі – сол білімді жадыңда берік сақтай білу.

Бұл екі қуатты әрдайым зорайту жолында болу керек.

Бұлар зораймай, ғылым зораймайды.

* * *

Ақиқатқа көзің жетсе, соны тұт, өлсең айырылма.

* * *

ҒЫЛЫМДЫ АҚИҚАТТЫ ТАБУ ҮШІН ҮЙРЕНУ КЕРЕК.

Адамның көңілі шын мейірленсе, білім-ғылымның өзі де

адамға мейірленіп, тезірек қолға түседі.

* * *

АҚЫЛ МЕН ҒЫЛЫМДЫ САҚТАЙТҰҒЫН

МІНЕЗ ДЕГЕН САУЫТЫ БОЛАДЫ.

Сол мінез бұзылмасын!

* * *

Мінездің беріктігі – ақыл мен ар үшін керек.

Көрсеқызарлықпен, жеңілдікпен, я біреудің орынсыз сөзіне,

я бір кез келген қызыққа шайқалып қала берсең, мінездің беріктігі

бұзылады. Онан соң оқып үйреніп те пайда жоқ.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі