АҚТАЙЛАҚ пен ҚАНАЙ ШЕШЕН

Ақтайлақ шешен Қанай шешеннен:

- Ер басында бақыт нешеу?

Кемдік нешеу?

Құлазу нешеу? – деп сұрайды.

Сонда Қарауыл Қанай шешен былай деп жауап береді:

- Ер басында бақыт – бесеу, кемдік – үшеу, құлазу – төртеу.

Астыңдағы атың жүрдек болса,

Жалғанның пырағы,

Алғаның жақсы болса,

Үй мен қонақтың тұрағы,

Әкең – асқар тау,

Шешең – қайнар бұлақ,

Балаң жақсы болса,

Екі көздің шам-шырағы,

Міне – бес бақыт осы.

- Атың шабан болса,

Жалғанның азабы;

Алғаның жаман болса,

Дүниенің тозағы;

Балаң жаман болса,

Көрінгеннің мазағы.

Міне – үш кемдік осы.

- Қалың ел көшсе,

Көз құлазиды;

Қаптаған мал кетсе,

Бел құлазиды;

Нарқын танымаған,

Сөз құлазиды;

Қатарынан айрылған,

Шал құлазиды;

Міне – төрт құлазу осы.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі