ӘКЕМ ТІРІ, АҒАМ ІРІ БОЛДЫ

Шоңға сәлем берем деп Байдалының бір жас баласы келіпті.

- Қай баласың? – дейді Шоң.

- Байдалының баласымын, - дейді бала.

- Байдалының мен көрмеген қай баласысың?

- Жалға жүріп бұланбаған баласымын,

Топқа түсіп сыналмаған баласымын.

Әкем тірі, ағам ірі болды,

Сондықтан билік құра алмаған баласымын, -

дейді. Сонда Шоң балаға тура қарап: «Қасқа айғырдың баласы қасқа тумаса да, төбел туады» деген осы екен-ау», - депті.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі