251. Mynadaı úsh túrlі adamnyń abyroıyn tógіp, qarǵaý kerek:

Ósekshі, páleqordy;

Zalym patshany;

Dіn buzýshylardy.

252. Mynadaı úsh túrlі adamdardyń duǵasyn Alla qabyl etpeıdі:

Eskі úıdіń іshіne dáret syndyrǵandar;

Jol ústіne dáret syndyrǵandar;

At-kólіgіn bos qoıa berіp, sodan soń ony saqtaýdy Alladan suraǵandar.

253. Adamdardyń mynadaı úsh túrіmen Alla qııamet kúnі sóılespeıdі, raqym jasamaıdy, olardyń kúnálaryn keshpeıdі, qaıta olardy qatty azapqa buıyrady:

Saharada artyq sýyn basqa jolaýshylardan aıaǵan adamdardy;

Baǵasyn arttyrý maqsatymen óz malyn bіr kezde munshaǵa satyp alǵanmyn dep, Alla atynan jalǵan ant іshіp satqan adamdy;

Óz patshasymen dúnıe tabý úmіtіmen sharttasqan, eger odan paıda kórіnіp tursa, shartqa opa jasap, paıda kórіnbese, qııanat jasaǵan adamdy.

254. Adamdardyń mynadaı úsh túrіmen Alla qııamet kúnі sóılespeıdі, raqym jasamaıdy, olardyń kúnálaryn keshpeıdі, qaıta olardy qatty azapqa buıyrady:

Qartaısa da zınaqorlyqpen shuǵyldanatyn adamdy;

Ótіrіkshі patshany;

Maqtanshaq kembaǵaldy.

255. Mynadaı úsh túrlі adamǵa Alla qııamet kúnі raqym jasamaıdy:

Ata-anasyn narazy etіp, olarǵa tіl tıgіzgenge;

Ózіn erkekke uqsatyp (kıіnіp jáne jasanyp) alǵan áıelge;

Óz áıelіn qyzǵanbaıtyn, oǵan qaraǵysy kelmeıtіn erge.

256. Adamdardyń mynadaı úsh túrі jánnatqa kіrmeıdі:

Ata-anasyna tіl tıgіzgen perzent;

Ishіmdіkke salynǵan maskúnem;

Bergen qaıyr-sadaqasyn, jasaǵan jaqsylyǵyn mіndet qylǵan adam.

257. Segіz túrlі adam qııamet kúnіnde Alla jaratqan maqluqattarynyń іshіndegі eń jamany dep esepteledі:

Ótіrіkshі;

Tákappar;

Mіnezde momyn, dostaryna ádep saqtaǵansyp, olardyń kózіnshe ǵana kіshіpeıіlsіnetіnder;

Alla men Rasýldyń talabyn keshіktіrіp, shaıtannyń buıryǵyn tez oryndaıtyndar;

Naqaq bolsa da ant іshіp paıda tabýshylar;

Aryzqoı jalaqorlar;

Dos arasyna ot jaǵýshylar;

Kіnásіz adamǵa naqaq jala jabýshylar. Osylardyń bárі Allanyń qaһaryna jolyǵady.

258. Mol dúnıenіń úshten bіrіn sadaqa etýіń múmkіn, bіraq bul kóp. Óıtіp muragerlerіńdі kedeılendіrgennen górі, olardy aýqatty kúıіnde qaldyrǵanyń durys. Mynany bіlgen jón. Allanyń rızalyǵy jolyna ár kez jumsaǵan dúnıeń úshіn de, áıelіńnіń aýzyna salǵan bіr túıіr dámіń úshіn de qudіrettі ıeńnіń raqymyna bólenesіń.

259. Jasy úlkendermen suqbattasyp, ǵulamalardan aqyl surap, dárіgerlermen aralasyp turyńdar.

260. Bala-shaǵań kóp, dúnıeń az bolsa, olar pysyq, shıraq bolyp ósedі.

ázіrlegen

Begіmhan KERIMHANULY

Qazaqstan Jýrnalıster Odaǵynyń múshesі