БАТА-ТІЛЕКТЕР

Досмайылдың батасы

Бабаларым дем берген,

Өздеріңе қол берген.

Үлкен ата ер аруақ

Талай жерден жол көрген.

Әулиеге дем берген,

Айтар сөзге ем берген,

Жеті өлікке жан берген,

Жеті пірге қол берген.

Жауланбай-ақ келіңіз,

Етер бұған ем бар ма?

Салар бұған дем бар ма?

Айтатұғын мал бар ма?

Төңіректі болжаңыз.

Ақылменен толғаңыз,

Әуелі Құдай елді оңда,

Елді оңдасаң ерді оңда,

Мұхаметтей пайғамбар,

Айналайын, сен де оңда!

Қалам шіріп мойнында,

Дұғаларың қойныңда,

Төңірекке көзің сал,

Әлеумет отыр үйіңде,

Санап жұдыз батырған,

Сарғайтып таңды атырған.

Мың кісіге барабар,

Ақсақалды бабаңыз,

Біздер сіздің балаңыз.

* * *

Медетбек батырдың батасы

Батам, батам батасын

Батам жерде жатпасын!

Осы отырған шаңыраққа

Барша әлеумет, жұртшылық

Жақсылықпен аттасын!

Дәулеті артып, құт орнап

Сұқ көздерден сақтасын!

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі