БАТА-ТІЛЕКТЕР

Халық бата-тілегі

Дастарқанға бата

Бата бердім, бақ тіледім,

Ақ дастарқан басына,

Я, құдайым, шын тіледім,

Береке бер деп асыңа.

Көңілің көлдей болып,

Дәулетің тасып толып,

Бақыт қонсын басыңа!

Әумин!

* * *

Әумин десең маған,

Құдай берсін саған.

Алтыннан болсын жағаң,

Күмістей болсын тағаң.

Оң жағыңнан кетпесін,

Күрпілдек қара сабаң.

Жортсаң жолың болсын,

Жолдасың қыдыр болсын.

Тілеуің қабыл, мұратың асыл болсын.

Ішкенің қымыз,

Жегенің сырбаз,

Кигенің түлкі болсын,

Жүрген жерің ойын-күлкі болсын!

Әумин!

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі