БАТА-ТІЛЕКТЕР

Халық бата-тілегі

Дастарқанға бата

Шалқар көлдей көп болсын

Қымыз бенен айраның.

Атаның мен атыңнан

Жұртқа түссін қайраның!

Айдағысыз малды бол,

Ағайынның алды бол,

Отыз ұлды орда бол,

Ұман жұрттың басы бол!

* * *

Дастарқаның бай болсын.

Қазан-ошағың май болсын.

Төрт түлігің сай болсын.

Көңілің толып жай болсын.

Ұлың қонып ұяғы,

Қызың ұшып қияға,

Келінің бибі атанып,

Ұлың болсын би аға.

Бергеннен Алла танбасын,

Көбейе берсін мал басың,

Өсе берсін жан басың,

Арманың көкке самғасын.

Досыңнан көңілің қалмасын,

Жағаңнан дұшпан алмасын,

Жолың болып жортқанда,

Жолыңды Қызыр жалғасын!

Әумин!

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі