БАТА-ТІЛЕКТЕР

Халық бата-тілегі

Уа, Жаратқан, жарылқа,

Бақ-дәулетін аумас қыл!

Жарылқағанмен жалғас қыл,

Ала ауызды алас қыл,

Қорғаннан қалыс қыл!

Ниеттері ақ болсын,

Бейнеттері пәк болсын,

Мұраттарын асыл қыл!

Қолқасын шаң қаппасын

Жүрген жерін жасыл қыл!

* * *

Далақтатар даудан сақта,

Жалақтаған жаудан сақта!

Ашыққан бөріден сақта,

Қара жердің көрінен сақта!

Ашынған ұрыдан сақта,

Құлқыны құрыдан сақта!

Дауылдың кәрінен сақта,

Жыланның зәрінен сақта!

Аяқ астынан кезігер –

Бәле-жаланың бәрінен сақта!

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі