МИ және КОМПЬЮТЕР

Адамның миы – ең жұмбақ және ең құпия ағза, сондықтан көптеген адамдар оны компьютермен салыстырып жатады. Адам өмір бойы бір нәрсені үйреніп, жаңа бір нәрсені меңгереді. Оған пайдалы болған барлық ақпарат оның жадына еніп, қажет болғанша сол жерде сақталады. Егер кейбір деректер маңыздылығын жоғалтса, ми оны жай өшіріп тастайды.

Мидың атқаратын функциялары өте көп. Мысалы, ойлау, есте сақтау, қиялдау, сөйлеу, езімдер, қабылдау, өзіндік сана т.б. Әрине, бұл тізім әлдеқайда үлкен. Егер сіз адамның миы мен оның дамуы туралы көбірек білгіңіз келсе, соған арналған кітаптарды тауып, оқысаңыз болады (мысалы, Роджер Сайп, Джон Медина, Дмитрий Чернышев т.б.).

Ми – Жаратушының адам баласына берген тамаша тартуы, ал компьютер – адамның ойлап тапқан нәрсесі. Сондықтан екеуін салыстырудың мүлде қисыны келмейді.

Ми мен компьютердің жұмысы бір-біріне ұқсамайды. Компьютер процессорында жады мен есептеулер бөлек орналасқан. Ал мида жад есептеулерді де жүргізеді.

Қысқасы, сіздің миыңыз компьютер емес. Ол – Жаратушының адамға берген ең үлкен нығметтерінің бірі.