ДҰРЫС ТАМАҚТАНУ ЛАЙФХАКТАРЫ

Асты асықпай шайнаңыз

Қызық жағдай, дастарқанға отырғанда жанындағы адамдар алдындағы астың үштен бірін енді ғана тауысып жатқанда, ол табағын тықырлатып тастайтын. Әрі кетсе бес минутта кез келген ас жеп үлгереді. Одан кейін елдің аузына бос қарап отыруға ыңғайсызданып, дастарқанда жеуге ыңғайлы басқа тамақтарға қол созады. Кейін байқағаны, ол тамақты көп шайнамай өңештен өтетіндей болған сәтте жұта салады екен. Мұның зияны өте көп.

• Ас ауызда толық шайналмағандықтан, асқазан оны қорытып үлгермейді де, қажетті қышқыл-сөл дұрыс бөлінбейді.
• Асты жедел жегенде оны қорыту жүйесі миға «тойдым» деген дабыл беріп үлгермей қалады да, тамақты  қажетінен артық жеп қоясыз.
• Тісті ас үгіту жұмысын асқазанға жүктеу арқылы оған шамадан тыс салмақ салған боласыз.
• Тамақтың дәмін толық сезініп үлгермейсіз. Яғни ас жеуден ләззат ала алмайсыз. Тамақты тез жеген адам семіздікке ұрынады. Сондай-ақ қант ауруына шалдығу 2,5%-ға арта түседі. Сондықтан тамақты асықпай 30-40 рет шайнап барып жұтуды әдетке айналдырыңыз.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі