* * *

Өміріңізге жаңа дем беретін мотивациялық ТОП-5 кітап

Кез келген адамның өмір жолында алға ұмтылып, табысқа жету үшін дұрыс бағыт-бағдар беретін кітаптардың маңызы зор. Мотивацияға негізделген әдебиеттер ішкі ресурстарыңызды ашуға, қиындықтарға төтеп беруге және армандарыңызды жүзеге асыруға шабыттандырады. Ендеше, төменде өмір белестеріне серік болар мотивациялық кітаптар топтамасын ұсынамыз.

1. Ричард Брэнсон – “К черту всё! Берись и делай!”

Virgin Group компаниясының негізін қалаушы, әлемге әйгілі кәсіпкер Ричард Брэнсон өзінің ерекшелігі мен тәуекел етуге деген қабілетінің  арқасында әлемдік нарықты бағындырды. Бұл кітапта ол табысқа жетудің қиын да қызық жолдарын көрсетіп, көпшілікке өз тәжірибесін баяндайды. Бренсонның бизнеске және өмірге деген өзгеше көзқарасы әр оқырманға ой салары анық. Оның басты қағидасы – «қорықпа, батыл әрекет ет!».

Кітаптан түйінді: Қорқынышты жеңу, жаңа мүмкіндіктерден қорықпау және тәуекелге дайын болу – табысты болудың негізгі кілті.

2. Робин Шарма – “Монах, который продал свой Феррари”

Бұл кітап философиялық тұрғыда жазылған.  Мұнда өмірдің мәні мен мақсатына назар қоюдың маңызды екені түсіндіріледі. Атақты адвокаттың өзін-өзі дамытып, өмір жолын қайта құруы туралы оқиғасы арқылы автор оқырманды ішкі үйлесімділікке жетуге бағыттайды. Робин Шарма терең ойлы тұжырымдарымен, өмірдің мәні туралы ойларын талқылап, адамға өмірлік күш-қуат сыйлауға көмектеседі.

Кітаптан түйінді: Материалдық байлық – басты мақсат емес. Нағыз байлық – рухани даму мен ішкі тыныштықта.

3. Наполеон Хилл – “Думай и богатей”

Бұл кітап - әлемдегі ең танымал мотивациялық еңбектердің бірі. Наполеон Хилл 20 жыл бойы әлемнің ең табысты адамдарымен жолығып, олардың табысқа жету құпияларын жинақтаған. Кітапта мақсат қою, табандылық және өзін-өзі басқарудың маңыздылығы туралы айтылған. Хиллдің кеңестері мен қағидалары жеке әрі кәсіби дамуға көмектеседі.

Кітаптан түйінді: Табыстың басты формуласы – арманыңды анықтап, мақсатқа жету үшін табанды түрде жұмыс істеу.

4. Ронда Берн – “Тайна”

Бұл кітапта жағымды ойлаудың күші және сол арқылы тағдырды өзгерту мүмкіндігі туралы баяндалады. Ронда Берн оқырманға өмірді жақсы жаққа өзгертудің қарапайым құпияларымен таныстырады. Кітапта өз өміріңізді оң өзгерістермен толтыру үшін алдымен ойыңызды өзгерту керектігі туралы айтылады.

Кітаптан түйінді: Ой мен энергия бір-біріне байланысты, ал позитивті ойлар өмірді жақсартуға септігін тигізеді. Ойыңды өзгертіп, тағдырыңды өзгертуге болады.

5. Хэл Элрод – “Магия утра”

Хэл Элрод әрбір таңды өміріңізді өзгертуге арнаудың маңыздылығын түсіндіреді. Оның “Магия утра” кітабы адамды жаңа әдеттерді қалыптастыруға және күнделікті таңертеңгі уақытты тиімді пайдалануға ынталандырады. Автордың өзі өмірінде қиындықтарды жеңіп, таңертеңгі мотивацияның әсері мен көмегін көрген.

Кітаптан түйінді: Күн сайын таңды дұрыс бастаудың құдіретін сезінесіз. Әрбір таң өзіңді жетілдіруге арналған мүмкіндік.

Қорытынды

Бұл кітаптар өміріңізді жаңа деңгейге көтеруге, өзіңізді қамшылауға және қиындықтарды жеңуге көмектеседі. Өмірде алға ұмтылу үшін мотивация мен шабыт қажет, және осы кітаптар сізді шабыттандыра отырып, армандарыңызға жету жолында сенімді серік болады. Жетістікке деген ұмтылысты тоқтатпаңыз!

* * *

Кез келген мәселеңізді шешуге көмектесетін “Фрирайтинг” әдісі: Қалай дұрыс қолданамыз? 

Бүгінде адамдар түрлі ақпарат ағынымен бетпе-бет келуде. Бұл сәйкесінше адамды уайымға салып, түрлі сұрақтың туындуына алып келеді. Осы тұста фрирайтинг әдісі мидағы ақпаратты ретке келтіріп, кез келеген мәселенің шешімін табуға көмектеседі.

Фрирайтинг қазақ тіліне аударғанда “еркін хат жазу” деген мағынаны білдіреді. Яғни, бұл әдісті орындайтын кезде қағаз-қаламмен дос боласыз. Ең алдымен бұл әдіс кімдерге қажет деген сұрақққа тоқталып өтейік.

▪️Бір іске кірісуге батылы жетпей жүргендерге;

▪️Мәселенің шешімін таба алмай жүргендерге; 

▪️Жаңа идея іздегендерге;

▪️Іштей өзін бұғып, ойын сыртқа шығара алмай жүргендерге;

▪️Шығармашылық еркіндікке қол жеткізгісі келетіндерге;

▪️Мидағы ауыр ойдан арылғысы келгендерге арналады.

✍ Фрирайтинг әдісін қалай жазамыз?

Таза парақ пен қалам алып, оятқыш таймерін 20-30 минутқа қойыңыз. Осылайша сұрағыңызды анықтап алыңыз. Мәселен, “Мен қай бағытқа бет бұрғым келеді?” немесе “Менің миссиям қандай?” деген сұраққа байланысты басыңызға келген барлық ойды қағазға түсіріңіз. Оятар шырылдағанша жазуды тоқтатпайсыз. Жұмысты аяқтаған соң асықпай қағазды қайта қолға алып, дауыстап оқып шығыңыз. Ішінен маңызды ой тапсаңыз, астын сызып,  түртіп қойыңыз. Бұл сізді мазалап жүрген ойдың жауабы болуы мүмкін.

Фрирайтинг ережесі

▪️Жазғаныңызды оқымайсыз. Тоқтаусыз жаза бересіз. Ойлануға болмайды. Оятар шырылдағанда ғана тәмамдайсыз. Ойыңызға ештеңе келмей жатса ойыма ештеңе келмей жатыр деп жазыңыз.

▪️Жазу барысында біреудің пікіріне тәуелді болмаңыз. Өзіңізбен шынайы әрі еркін болыңыз.

Ойыңыз басқа жаққа ауып бара жатса, тоқтап қалуға тырыспаңыз. Өзіңізге ұнамайтын ойларды толықтай шығарып тастауға тырысыңыз.

▪️Қатеге мән бермеңіз. Ойыңыз тек жазуда болсын. Стиль мен логикаға да мән бермеңіз

▪️Сөз ретінде емес сөйлем түрінде жазыңыз.

* * *

• қазақтың 3 бағытты қамтыған сауда айырбасы
• Өздеріңізге мәлім, көшпенділер экономикасында сауданың айырбас түрі қарқынды дамыды. Себебі олар мүлікті, малды баспа бас алмастырып отырды. Осы тұста тауар айырбасы негізгі үш бағытты қамтыды. Олар елдер арасында, қала мен оның төңірегі арасында, қала мен көшпелі дала арасында айналыста жүрді.
• Айырбас құны үш жасқа жеткен қой және осы жастағы басқа малдар болды. Мұндай сауда тұрмыстық қажеттіліктен туындаған. Бұл сауда жасау немесе пайда табудың мақсатында емес, керісінше тұрмыстық қажеттіліктерін өтеу мақсатында жүргізіліп отырған.
• Мысалы, қолөнер бұйымдарын отырықшылардан алса, отырықшылар мал өнімдерін, кейбір қолөнер заттары мен қажетті шикізаттарды көшпелілерден алып отырды. Мұндай сауда, айырбас қатынастары, әсіресе отырықшы халықтар мен көшпелі елдер арасында белсенді түрде іске асып отырды.
• Дегенмен сауда жасап, пайда көздеген бұқарлық, хиуалық саудагерлер орта азиялықтар мен ноғай саудагерлерін көшпелі ортада жатсына қабылдады. Олардың әрекеті қазақ дәстүрлі қоғамының құндылықтары мен нормаларына жат екендігін сыналды.
• Осыған байланысты бірқатар тұрақты тіркестер мен мәтіндер қалыптасты: сауда сақал сипағанша; қыз мұраты - кету, сауда мұраты - ұту; саудада достық жоқ; еңбек түбі — қуаныш, сауда түбі - борыш.
• Көшпенді қазақ тұрмысқа қажет заттарына керек уақытында ғана айырбас жасап отырған. Орыс деректеріне сүйенсек, қазақтар айырбас сауданы көбінесе қоймен жасаған, ал орыс саудагерлері қазақтармен жылқыны айырбастауға құштар болды. Себебі, қазақтар жылқы малын баптап, күйін жақсы келтіріп отырған.
• айырбас сауда Испиджаб, Отырар, Тараз, Суяб, Невакет, Дех-Нуджикет қалаларында жүзеге асты. Жетісудың оңтүстік-батысында маңызды сауда орталығы Тараз болды. Бұл туралы деректерде «көпестер қаласы» деп айтылады. Шу аңғарында Суяб осындай қала болды, онда «түрлі елдердің саудагерлері аралас тұрады», ал қала тұрғындарының жартысы көпестер болды.

* * *

Жаңа кинолар хақында

"Жезтырнақ" мистикалық комедиясы. Мирас – Алматының қарапайым жігіті, оған сұлу да табысты Айна есімді ару ғашық болады. Бұл жаңалық Мирастың ата-анасын ерекше қуанышқа бөлейді. Осылайша олар бақуаттты отбасымен тезірек құда болуды әрі балаларының сол ортаға күйеу бала ретінде қосылуын асыға күтеді. Басты рөлдерде: Есентай Ниязбаев, Динара Мирасбек, Назгүл Қарабалина, Сырым Қашқабай. Жас рейтингі: 16+                                                                                              

Трейлер мына жерде: https://www.youtube.com/watch?v=NNHRQW9EGWQ

"Судьба" драмасы. 19 жастағы ауыл баласы Азат ірі мегополис Алматыға арман қуып келіп, ағасы Мұраттың құрылыс бригадасында тас қалаушы болып жұмыс істеуді көздейді. Алайда Мұрат таудағы құрылыс нысанында кідіріп қалады, сондықтан ол ағасы қайтып келгенше Алматыда екі-үш күн ақшасыз өмір сүруіне тура келеді. Басты рөлдерде: Ермек Тұрғанбек, Индира Құлчанова. Жас рейтингі: 16+                                                                                              

Трейлер мына жерде: https://www.youtube.com/watch?v=PR9APRySjsY

   "Гладиатор 2" тарихи боевигі. Сюжет оқиғасы "Гладиатор" фильмінің түпнұсқасынан 25 жыл өткеннен кейін басталады. Басты рөлдерде: Пол Мезкал, Педро Паскаль, Дензель Вашингтон. Жас рейтингі: 18+                                                                                             

Трейлер мына жерде: https://www.youtube.com/watch?v=cd4rfpexOg8

"Агент на уикенд" боевигі. Ол – кез келген тапсырманы орындай алатын арнайы агент. Басты рөлдерде: Люк Эванс, Сон Ган. Жас рейтингі: 18+                                                                 

Трейлер мына жерде: https://www.youtube.com/watch?v=9mIFt0YLhl4

"Заманчивое предложение" триллері. Түсік тастағаннан кейін жаңа өмір бастауға бел буған ерлі-зайыпты армандаған үйлерін сыйға алады, бірақ бір шарт қойылады – олар жертөленің есігін ешқашан ашпауы керек. Басты рөлдерде Скотт Спидман, Джордана Брюстер. Жас рейтингі: 18+

"Вампиры лёгкого поведения" комедиясы. Рэдлилер отбасы — Хелен, Питер және олардың жасөспірім балалары Клара мен Роуэн шағын қалашықта тыныш өмір сүріп келеді. Бірде Клараға сыныптасы шабуыл жасайды. Қыз өзін қорғау барысында оны өлтіріп, сыныптасының қанын ішіп қояды. Басты рөлдерде: Келли Макдональд, Дэмиан Льюис. Жас рейтингі: 18+                                                                                          

Трейлер мына жерде: https://www.youtube.com/watch?v=5pIs0JFIrqA

"Месье Азнавур" мелодрамасы. Фильмде аты аңызға айналған Чарльз Азнавурдың алғашқы қадамдарынан бастап әлемдік даңқты бағындыруға дейінгі кезеңі қамтылған. Басты рөлдерде: Тахар Рахим, Бастиен Буйон. Жас рейтингі: 16+                                                                  

Трейлер мына жерде: https://www.youtube.com/watch?v=hWeOCLGsZV4

"Руки Вверх!” өмірбаяны. Қыздардың жүрегін махаббат жайлы әсерлі әндермен жаулап алуды армандаған ауыл балаларының арасынан Сергей Жуков есімді өнер иесі жарып шығады.Ол жоғары сұранысқа  ие әртіс атанып, бүкіл ұрпақтың дауысына айналады. Басты рөлдерде: Сергей Жуков, Алексей Потехин.

Трейлер мына жерде: https://www.youtube.com/watch?v=Gfpn7tO9M2s

"Изгоняющий дьявола: Апокалипсис" қорқынышты фильмі. Жын-шайтанды қуып шығару рәсімін орындау кезінде ауыр жарақат алған атақты экзорцист туған қаласына оралады. Мұнда ол бірнеше адамды жамандық қаптағанын сезеді, себебі ең күшті жын-шайтан бір ғана денеде жасырын түрде басқаларға үстемдік етеді.

Басты рөлдерде: шарап Бастиан, Марша Тимоти. Жас рейтингі: 18+                                                                                         

Трейлер мына жерде: https://www.youtube.com/watch?v=Oygl3lpoICw                                                                                                                                                                                                                                                                                                                                                                                                                                      

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі