ЗИЯРАТ ЕТУ ӘДЕБІ         

• Зиярат ету Алланың разылығы үшін жасалатын амал;

• Ниет дұрыс, толық намаз дәреті болуы керек;

• Жабық киіммен; ерлер қазақша шапан, аяқта мәсі, әйелдер орамал, ұзын етек, ұзын жең, қазақша камзолдармен келу керек. Әйелдердің мойны жабық болғаны абзал;

• Бір сәт дүние тіршілігін тастап, ақиретті еске алу керек;

• Зиярат орындарында байыппен ақырын сөйлеу; тазалықты сақтау;

• Қабір жұртына: «Сіздер де біздей болғансыздар, біздер де сіздей боламыз...» деп сәлем беру;

• Қабірді сипаудан, қажетсіз ұстаудан, тәу етуден, сүюден аулақ болу;

• Қабірдің төменгі жағына барып, мәйітке жақын отыру, Құран оқу;

• Уағыз-насихат айту, жақсы сипаттарын еске алу сауапты болмақ.

Ескерту: Киелі орындарды (Әулие бастарына) зияраттауда қандай да бір тазалықтың, тәртіптің сақталмауы Құран оқу барысында бөлініп щығатын қара қуаттардың бойға еніп, жолбайлам, дерттенуге алып келуі мүмкін екенін еске саламыз.