ӘЖЕТХАНАДА СӨЙЛЕМЕ

Пайғамбар заманында бір жігіттің әжетханада отырғанда сырттағы кісімен сөйлесе беретін жаман әдеті бар екен. Мұны байқаған әкесі:

– Ұлым, дәретте отырғанда сөйлейтініңді байқадым. Мұның теріс дағды, – дейді.

– Онда тұрған не бар, әке? – дейді.

– Сенің әрбір сөйлеген сөзіңді жазып алатын екі иығыңда екі періште отыр. Оның атын кітапта «Кироман-Катибин» дейді. Періштелер – өте пәк жаратылыс. Адам әжетханаға кіргенде, олар лас жерге кірмей тыста тұрады. Сен әжетханада сөйлесең, періштелер сөзіңді жазу үшін амалсыз шайтанның үйіне кіруге мәжбүр болады. Бұл – Құдайға ұнамас қылық, – деді әкесі.

Бала жаман әдетінен тыйылыпты. «Әжетханада сөйлеуге болмайды» деген тыйым осылай шыққан екен.