ЭМПЕДОКЛ АКРАГАНТСКИЙ

(шамамен б.д.д. 490 – 430 ж.ж.)

Философиялық афоризмдері

Сезіміңе сенім артсаң – адастың.

Оймен барла – асулардан әрі астың.

* * *

О, адамзат, азап сені қажытты-ау.

Қанды тырнақ қырқысқанды пешенеңе жазыпты-ау!

* * *

Ғылым ақыл-ойды кемелдендіреді.

* * *

Ой дегеніміз – сезімнің өзі немесе соған ұқсас нәрсе.

* * *

Біздің дене мүшелерімізге танымның мардымсыз мүмкіндігі ғана берілген.

* * *

Ақымақтар! Егер әу баста жоқ нәрсе енді болады, яғни әлдене жоғалады немесе мүлдем құрып кетеді деп ойласаңдар, ақылдарың шолақ болғаны.

* * *

Біртұтас болмыс сапалық жағынан қарама-қарса сипатта болуға тиіс.

* * *

Махаббат пен өшпенділік! Екеуі де мәңгілік, жаратылған күннен бері бір-бірімен бітіспес жау. Олар бізге дейін де болған, бізден кейін де бола береді һәм олардың бірі күндердің күнінде жоғалады деп еш ойламаймын.

* * *

Егер Махаббат пен Өшпенділік мүлдем құрып жоғалып кетсе, әлем қалай жаратылар еді.

* * *

Махаббат бәрін қосады.

Өшпенділік – талқандап, шашады.

* * *

Құдай – алтау: төртеуінің ғұмыры шектеулі (от, су, ауа және топырақ), ал екеуі мәңгілік және олар бір-бірімен өмірбақи қырқысып өтеді (Өшпенділік һәм Махаббат).

* * *

Барлық жерде ой-сана мен қажеттіліктің бір бөлшегі бар.

* * *

Табиғат барлық нәрсеге ақыл берген: хайуанаттарда ғана емес, өсімдікте де ақыл бар.

* * *

Қажетіне қарай дүниедегі барлық затқа Махаббат пен Өшпенділік кезек билік етіп, оларды қозғап отырады, аралық уақытта тыныштық орнайды.

* * *

Әрбір зат өз бөлшектерінің белгілі бір арақатынасына қарай өмір сүреді.

* * *

Мен блзбала да, толықсыған бойжеткен де, құс, балық, тіпті өсімдік те болдым.

* * *

Жо-жоқ, біз ештеңе де сезбейміз, ештеңе де көрмейміз: барлық зат біз үшін жұмбақ, өйткені біз анықтап біле алатындай дүниеде бірде-бір зат жоқ.

баспаға әзірлеген

Бегімхан Ибрагим (КЕРІМХАНҰЛЫ)

Ақсу қаласының №2 ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі