ӨКІНІШ

Күй 1985 – 1987 жылдардың аралығында жазылған. Автор бұл күйді өз күйлерінің ішіндегі үздігі санайды. Оның себебі – күйдің кімге арналғандығы. Күйші өзінің өнеріне үлкен бата берген, өз жолында кездескен үлкен азаматтардың бірі деп Екейбай Қашағановты ерекше құрметпен еске алып отырады. (Екебай Қашағанов (1920-1985) мемлекет және қоғам қайраткері)

Күй қазақ сахарасындағы озық дәстүр – арнау жанрында жазылған. Автор жасы үлкен ағасын, сабырлы, ақылды ұстазын аза тұтады.

Талғаусыз, мейірімсіз ажам күй сарынынан көрініп, пенденің ерте ме, кеш пе өзекті жанға әйтеуір бір өлімнің барлығын еске салады. Міне, бұның бәрі өкініш.