БАҚЫТ ҚАЙНАРЫ

Бір жолы Шіңгіл ауданының әкімі Шамана бастаған басшылар қыстың ортасында, Қарасеңгірдің құмы деген жерге мал отарлатып кеткен малшылардан жағдай сұрап баратын болып, күйшіден Дәулет Халықұлын, ақыннан Құрманбек Сейтінғазы қатарлы өнер иелерін ертіп ел арасына барады. Сол сапарында күйші қалың құмның арасындағы бір ғажайып бұлаққа таң-тамаша болады. Бұл қасиетті бұлақтың малшылардың және аң мен құстың бақытына әдейі жаратқанның сыйы екеніне риза болып, тіршіліктің қайнар көзі болған осы бұлаққа арнап, «Бақыт қайнары» күйін шығарады.