ҚҰЛАГЕР

Аламан бәйге, топ жарған жорға-жүйріктер тақырыбына шығарылған күй. Боранқұл бір көкпарға қатысады. Сонда оның жүйрік атын көре алмаған біреулер түнде атын байлап-матап тастайды.

Атының жүдеп қалғанына қатты налыған Боранқұл: «Ағайын, істейтін жамандықтарың болса маған жасамайсыңдар ма, жануардың не жазығы бар еді?» - дейді. Осы оқиға үстінде «Құлагерге балаған жануарым-ай, сен де мен де қысас көрдік-ау» деп осы күйді толғайды. (Айтушы – Саян Ақмолда).