ТЕНТЕК АҚЖЕЛЕҢ

Қазанғап ел аралап, домбыра тартып жүріп, бір ауылға келіп түседі. Ат басын тіреген үйде домбырашы қыз бар екен. Таныса келе, Қазанғаптың да жай адам емес екеніне көз жеткізген үй иелері оған домбыра ұсынады. Қыз да өз өнерін ортаға салып, отырыс соңы күй тартысқа ұласады.

Осы тартыс кезінде домбырашы қыздың шеберлігіне тәнті болып, өр мінезді қызға арнап «Тентек ақжелең» деп күй шығарған екен.