АЛЛАНЫҢ 99 КӨРКЕМ ЕСІМІ

64. Әл-Қаййум / Жаратылыстың істерін басқарушы, Өздігінен Тұрушы

«Алладан басқа құдай жоқ, Ол – Мәңгі тірі, Өздігінен тұрушы» (Әли Имран, 2).

Осы көркем есімді шын ықыласымен көп мәрте қайталаған адамға Алла Тағала құрмет пен байлықты сыйлап, түрлі қауіп-қатерден сақтайды. Ал таң намазынан кейін күн шыққанша үздіксіз «Ия, Хаййу! Ия, Қаййум!» деп қайталау арқылы жалқаулықты, керенаулықты, салғырттықты кетіруге болады.

65. Әл-Уажид / Табушы, Бар қылдырушы, Бай

Осы есімді тамақтану кезінде көп қайталаған жанның тамағы оған күш-қуат пен нұр береді. Сонымен бірге осы көркем есімді жанның тынышталуы мен көңіл-күйді жақсарту үшін көп мәрте қайталау керек.

66. Әл-Мәжид / Игілікті, Даңқты

«Алладан басқа құдай жоқ, Ол – Мәңгі тірі, Өздігінен тұрушы» (Әли Имран, 2).

Осы бір көркем есімді шын ықыласпен көп мәрте қайталау, иманның күшеюіне себеп болады, иншалла

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі