АЛЛАНЫҢ 99 КӨРКЕМ ЕСІМІ

Көркем есімдермен дұға қылу туралы

Тілекті Алла Тағаланың көркем есімдеріне жүгіне отырып сұрау дұғаның қабыл болуы шарттарының бірі. Яғни, шариғатта тәуәссулдің бір түрі – Алла Тағаланың көркем есімдерінің не сипаттарының біріне арқылы дұға қылу. Мысалы: «Ия, Алла! Өзіңнің Рахман, Рахим, Латиф, Хабир есімдерің арқылы сұраймын» деп тілеу немесе «Уа, раббым! Барлық болмысты қамтыған мейірім-рахымың арқылы маған рахым етіп, күнәмді кешіруіңді сұраймын» деп дұға қылу. Сол үшін де Алла Тағала:

«Алланың көркем есімдері бар, солар арқылы Оған дұға қылыңдар», - деген (Ағраф, 180). Құран Кәрімдегі келтірілген сүлеймен пайғамбардың (а.с.) бір дұғасы мынадай еді:

«Және ол (Сүлеймен): «Уа, Раббымы! Маған және әке-шешеме берген нығметіңе шүкір етуіме және Өзің разы болатын ізгі істер істеуіме итермелеп, рахымың кіргізе гөр», - деді» (Нәміл, 19).

Ал Әнес ибн Мәлик (р.а.) бірде Алла елшісінің (с.а.с.) қасында отырған кезінде бір адам намаз оқып, «Я, Аллаһ! Барлық мадақтың сенікі екендігі арқылы сұраймын! Сенен өзге құдай жоқ! Уа, Сый беруші! Уа, көктер мен жерді ғажайып жаратушы! Уа, ұлылық пен шексіз жомарттықтың Иесі! Уа, Мәңгі Тірі! Мәңгі Өздігінен тұрушы! Деп дұға қылады. Сонда Пайғамбар (с.а.с.): «Мынау Аллаға дұға қылса жауап беретін, қажет сұраса беретін ең ұлы есімі арқылы дұға қылды», - деген. (Әбу Дәуіт, ибн Мәже, Термези, Ахмад, Нәсәи).

Михжан ибн әдрағтан жеткен хадисте Алла елшісі (с.а.с) бірде мешітке кіргенде бір кісі намазының отырысында «Я, Алла! Сенің Алла, Бір әрі Жалғыз, тумаған әрі туылмаған, Мұңсыз және теңдесің жоқ екендігің арқылы сұраймын, менің күнәларымды кешіре гөр! Шынында, Сен Аса кешірімшіл әрі өте рахымдысың!» деп дұға қылып жатқанын көріп: «Оның күнәсі кешірілді. Оның күнәсі кешірілді. Оның күнәсі кешірілді», - деп үш рет айтқан. (ахмад, Нәсәи, әбу Дәуіт).

Әбубәкір (р.а.) Пайғамбар (с.а.с): «Намазды айтатын дұға үйретіңіз», - деп сұрағанда ол (с.а.с.): «Уа, Алла! Шындығында мен өз-өзіме көп зұлымдық қылдым, ал күнәні Өзіңнен басқа ешкім де кешіре алмайды. Мені Өзі жаныңда жарылқаумен жарылқап, рахым қыл. Расында Сен Аса кешірімдісің әрі Ерекше рахымдысың» деп айт», - деген (Бұхари риуаят еткен).

Әлиден (р.а.) жеткен риуаятта Пайғамбар (с.а.с.) намазға тұрғанда: «Уа, Алла! Сен Патшаның сенен басқа құдай жоқ. Сен менің Раббымсың, мен сенің құлыңмын, өз-өзіме зұлымдық қылдым, күнәмді мойындадым. Менің барлық күнәларымды кеше гөр. Расында күнәларды сенен өзге ешкім де кешіре алмайды», - деп айтатын болған. (Мүслім риуаят еткен).

Әбу Һурайрадан (р.а.) жеткен риуаятта Пайғамбар (с.а.с) төсегіне жатарда: «Уа, Алла! Аспандардың Иесі! Жердің Иесі» ұлы аршының Иесі! Раббымыз! Барлық нәрселердің Иесі! Дәнек пен өзекті жарушы! Тәуратты, інжілді һәм Фұрқанды (Құранды) түсіруші! Өзің кекілінен суырып тартып алатын барлық жамандықтардан өзіңнен сақтанамын! Уа, Алла! Сен – Біріншісің, Сенен бұрын ештеңе болған емес! Сен – Соңғысың, Сенен кейін ештеңе жоқ! Сен – Жоғарысың, Сенен жоғары ештеңе жоқ! Сен – Төменсің, Сенен төмен ештеңе де жоқ! Бізді қарыздан арылтып, кедейліктен құтқар!» - дейтін болған. (Мүслім риуаят еткен).

Ибн Аббастың (р.а.) жеткізуінше Пайғамбар (с.а.с.) уайым-қайғы кезінде: «Ұлы әрі Мүләйім Алладан басқа құдай жоқ, көктер мен жердің Иесі, ұлы аршының Иесі Алладан басқа құдай жоқ», - дейтін болған. Бұхари риуаят еткен.

Әли (р.а.) таратқан риуаятта Алланың елшісі (с.а.с.): «Мен саған егер оларды айтсаң тіпті бұрын күнәң кешірілген болса да Алла күнәларыңды тағы да кешіретін сөздерді үйретейін бе? Асқақ әрі Ұлы Алладан басқа құдай жоқ, Мүләйім һәм Жомарт Алладан басқа құдай жоқ, Алладан басқа құдай жоқ, жеті көктің Иесі, ұлы аршының Иесі Алла пәк. Мадақ әлемдердің иесі Аллаға тән» деп айт, - деген. (термези риуаят еткен).

Сағыдтан (р.а.) риуаят етілген хадисте Алланың елшісі (с.а.с.): «Қайсыбір мұсылман балық иесінің (Жүніс пайғамбардың) «Сенен өзге құдай жоқ, сен пәксің, шынында мен залымдардан болдым» деген дұғасымен қайсыбір ісінде дұға қылса Алла қабыл етеді, - деген. (Термези, Ахмад).

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі