ҒАШЫҚТЫҚ СҰЛУЛЫҚТЫ ТАЛҒАМАЙДЫ

806 >>

Қолымда бір қамшым бар жез бауырдан,

Кірсем шыққым келмейді қызды ауылдан,

Ауылың алыс кеткенде, қарағым-ай,

Жақсы көрдім өзіңді бір бауырдан.

807 >>

Қолымда бір қамшым бар алтындаған,

Ажарың ақ жамбыдай жарқылдаған,

Сексен қыз серуенге шықса-дағы,

Ішінде сен қоңыр қаз қаңқылдаған.

808 >>

Қолымда бір қамшым бар өрілмеген,

Біреуге өріп бер деп берілмеген,

Жөніңді айтшы, қалқатай, танысайық,

Қандай жансың көзіме көрінбеген.  

809 >>

Қолымда бір қамшым бар ырғайдан сап,

Өтпесе қойың судан құрғайлап бақ.

Сарғайып сені тосып отырғанда,

Келмесең дәл сол күні құдайдан тап.

810 >>

Қолымда бір қамшым бар таспалаған,

Атыма жүген салдым қасқалаған,

Бергенде өзің көңіл, әттең, қалқа,

Көремін өзіңді артық басқа жаннан.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі