ҒАШЫҚТЫҚ СҰЛУЛЫҚТЫ ТАЛҒАМАЙДЫ

786 >>

Мінгенім дәйім менің торы құнан,

Торы құнан ақсайды тобығынан,

Шыныменен көңілің менде болса,

Жолығайық ауылдың қорығынан.

787 >>

Мінгенім дәйім менің қасқа құнан,

Қыздардың сақта құдай асқағынан,

Шыныменен құласа көңіл шыркін,

Жолығайық ауылдың тастағынан.

788 >>

Мінгенім астымдағы құла қасқа,

Айтамыз амандықты мал мен басқа,

Құламен құйқылжытып салдыртқанда,

Көз қырын жіберуші ем замандасқа.  

789 >>

Мінгенім дәйім менің қасқа тайым,

Қасқа тайдан мінбеймін басқа тайын,

Беріп кет кетеріңде бір белгіңді,

Дәтке қуат етейін қалқатайым.

790 >>

Мінгенім дәйім менің күрең дөнен,

Қашады төстен түлкі сүмеңдеген,

Ойымда үш ұйықтасам бар ма менің,

Айырылып қалқатайдан жүрем деген.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі