ҒАШЫҚТЫҚ СҰЛУЛЫҚТЫ ТАЛҒАМАЙДЫ

781 >>

Ауылым биік таудың ашасында,

Белгісі жүйрік аттың шашасында,

Менімен хат алаысып, хат берісіп,

Бір күні уәде беріп қашасың ба?!

782 >>

Ауылым көшіп барып бел асады,

Бір жақсы бір жақсыға жанасады,

Кеткенде ауылың шалғай, ей, перизат,

Өлеңді не деп айтсам жарасады.

783 >>

Көшкенде жылқы айдаймын қиқу салып,

Қолыма бір солқылдақ шыбық алып,

Сенімен бір ойнасам мен ойнаймын,

Мойнымды боз жорға аттай бұрып салып.  

784 >>

Көшкенде жылқы айдаймын белеңменен,

Қара көз өзі сұлу дөненменен,

Кеткенде жерің шалғай, әттең, құрбым,

Жүремін сені жоқтап өлеңменен.

785 >>

Көшкенде жылқы айдаймын белеңменен,

Қара көк белі сұлу дөненменен,

Кеткенде ауылың шалғай, беу, қарағым,

Жүрейік хабарласып өлеңменен.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі