ҒАШЫҚТЫҚ СҰЛУЛЫҚТЫ ТАЛҒАМАЙДЫ

741 >>

Құрбым-ау, серттеселік, серттеселік,

Сақтаса серттен құдай ептеселік,

Көңілің, сірә, бізде болса егер,

Тасындай диірменнің беттелселік.

742 >>

Ой қалқа, қиғаш қасың қиылып тұр,

Бетіңе нұрлы сәуле жиылып тұр,

Гүл атқан қырмызыдай қызыл ерін,

Сүюге қандай жанға бұйырып тұр.

743 >>

Қос құрбы біз дегенде әнге салғай,

Аулыңа жете алмаймын жерің шалғай,

Сағынып бір өзіңді жүргенімде,

Болмаса әнге қосып есіңе алғай.  

744 >>

Құрбы сәні келмейді ойнап-күлмей,

Қыздың сәні келмейді барша кимей,

Алыстағы махаббат арман болар,

Екі ғашық сырласып бірге жүрмей.

745 >>

Құрбым-ау, сен үйдесең, мен бүйдейін,

Суына жүгерінің нан илейін,

Кеткенде ауылың алыс, беу, қалқатай,

Түйедей ботасы өлген зар илейін.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі