ҒАШЫҚТЫҚ СҰЛУЛЫҚТЫ ТАЛҒАМАЙДЫ

716 >>

Айналайын, жарқыным, асылым-ай,

Сөйлеспедім жақындап қасыңызға-ай,

Өзің жазған хатыңды қазір тұтып,

Салып жүрмін жаныма жасырын-ай.

717 >>

Айналайын көзіңнен жалт-жұлт еткен,

Кім бар еді арада сағат жеткен.

Дүниеде не маңғаз туса-дағы,

Теңгермеймін ізіңе басып кеткен.

718 >>

Айналайын көзіңнен көлгірім-ай,

Тас бұлақтың суындай мөлдірім-ай,

Шаршы топтың ішінен таңдап алған,

Асқар таудай айшықты белгілім-ай.  

719 >>

Айналайын атыңнан асыл затым,

Жарасқан тал бойыңа, сәулем, затың,

Кеткенде ауылың алыс, қимас қалқам,

Келмеді-ау бір жапырақ жазған хатың.

720 >>

Айналайын, қарағым, қара қасым,

Қос иықта бұралған қолаң шашың,

Өзіңменен бір болсам бұл өмірде,

Болады ғой бақытты менің басым.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі