БЕС АҒАШТАН ЕР ҚОСТЫМ ҚИЫСТЫРЫП

706 >>

Қай жалған? Мына жалған – пәни жалған,

Жалғанның көбі кетіп, азы қалған,

Барында тіршіліктің ойна да күл,

Күлмеген-ойнамаған қапыл қалған.

707 >>

Ақ үйдің ат байладым кермесіне,

Ешкімнің көз салмаймын бермесіне,

Барында тіршіліктің ойна да күл,

Мен кепіл сұм жалғанның келмесіне.

708 >>

Боз аттың, бойдай тал-ай, бой денесі,

Адамның қолқа-жүрек – жан денесі,

Артына өлген адам қарамайды,

Қара жер бауыры суық әлденесі.  

709 >>

Ана тау мына таумен төте шығар,

Пышаққа ұста соққан жете шығар,

Барында тіршіліктің ойна да күл,

Сұм жалған баяны жоқ өте шығар.

710 >>

Сен де он бесте, құрбым-ау, мен де он бесте,

Екі он бес қосылса тең келмес пе,

Қалқатайдың бергені жарты мейіз,

Бөліп жесек екеуміз олжа емес пе.

711 >>

Қалтаңда бет қарайтын айнаң болсын,

Алдайтын он бес қызды хайлаң болсын,

Қаншама күйдім-сүйдім десең-дағы,

Жігітке өз жарындай қайдан болсын.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі