БЕС АҒАШТАН ЕР ҚОСТЫМ ҚИЫСТЫРЫП

701 >>

Сөйлей бер, қызыл тілім, сен де өлерсің,

Жібіндей машинаның дөңгелерсің,

Барында тіршіліктің ойна да күл,

Киіп ап ақ көйлекті жөнелерсің.

702 >>

Дұрысы қой ішінде ісек-тұсақ,

Туралса қойдың еті болады ұсақ,

Атасы атамыздың өлеңші екен,

Болайық біз де өлеңші солар құсап.

703 >>

Түлкісі бұл тепсеңнің қызыл түлкі,

Адамды жалықтырмас ойын-күлкі,

Биікке ойда тұрып қол сермеймін,

Болсын деп көңіл шіркін көтеріңкі.  

704 >>

Жігітке сулық қандай сұр шекпендей,

Мінезі кей жаманның тай тепкендей,

Барында оралыңның ойна да күл,

Боларсың әлі-ақ бір күн су сепкендей.

705 >>

Дүние ойлап тұрсам жалған екен,

Ғаламды он сегіз мың алған екен,

Жібіндей машинаның қайран әнім,

Шалдығып шапқан аттай қалған екен.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі