БЕС АҒАШТАН ЕР ҚОСТЫМ ҚИЫСТЫРЫП

691 >>

Тауып алдым аққудың жұмыртқасын,

Менен сәлем айта бар ұмтыпасын,

Бірге өткізген күндерді есіне алып,

Менен басқа ешкімді жуытпасын.

692 >>

Қарағым айналайын, өкпем деймін,

Естісем жаман атың өкпелеймін,

Осыдан бірге жүріп кетсең бөлек,

Сағыныш басылмайды көпке дейін.

693 >>

Бойдай-тал-ай, шіркін-ай, болған басым,

Боз биенің сүтіне жуған шашым,

Қыз да болса біреудің еркесі едім,

Енді кімге қор болдың әзіз басым.  

694 >>

Дүние өтіп жатыр құмай қудай,

Ақ бетке ажар кірмес сүтпен жумай,

Бірге өскен құрбы-құрдас жүрсің қайда?

Қанатын қайшылаған аппақ қудай.

695 >>

Екі ауылдың ортасы қамыс-пішен,

Қу жаманнан, дүние-ай, қашан кетем,

Қу жаманнан, дүние-ай, кетер едім,

Аяғыма сен болдың алмас кісен.

баспаға әзірлеп, жиған-терген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі