БЕС АҒАШТАН ЕР ҚОСТЫМ ҚИЫСТЫРЫП

641 >>

Тал мен қайың, құрбым-ау, тал мен қайың,

Саулық барда білмейсің ауру жайын,

Қамшының сабындай тіршілікте,

Ағызайық көмей мен тілдің майын.

642 >>

Келеді айлар туып күңгірт болып,

Қой өлер көктемеде қылқұрт болып,

Жігіттер, жастық шақта ойна да күл,

Қалармыз алгеннен соң жым-жырт болып.

643 >>

Тағы да алтай қарсақ, алтай қарсақ,

Көруші ед қыздар жақсы қартаймасақ,

Бұ қыздар өздігінен кел демейді,

Қасына түнде барып жантаймасақ.  

644 >>

Ақ көйлек жыртылмайды кең болған соң,

Ойнайды қатар құрбы тең болған соң,

Өлеңді осында айтпай қайда айтайын,

Көңілді көтеретін жер болған соң.

645 >>

Ұстағаным қолыма бұйда пышақ,

Сәулем, сені көрдім де жайдық құшақ,

Қасиетіңе мен сенің болдым риза,

Айдын көлдің аққуы өзіңе ұқсас.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі