БЕС АҒАШТАН ЕР ҚОСТЫМ ҚИЫСТЫРЫП

636 >>

Сен дегенде, сәулежан, ойым бөлек,

Он жасымнан өлеңге болдым зерек,

Бағаласам бағаңа жан жетпейді,

Айналайын көзіңнен дөп-дөңгелек.

637 >>

Жарасар салсам тоқым боз тарланға,

Көңілім орнықпай жүр сұм жалғанға,

Сол көңілді тарқасын шері болса,

Тарқар болса шырқатып ән  салғанда.

683 >>

Жыңғыл қайық, ендеше, жыңғыл қайық,

Ауылында қыз бар ма бізге лайық,

Аулыңда қыз болса бізге лайық,

Екі ауылдың арасын із қылайық.  

639 >>

Көрінер ай астынан алтын кірпік,

Жаманға жоламаймын бойым үркіп,

Бойыңда мың теңгелік иіс майың,

Жіберші ойнаған боп маған бүркіп.

640 >>

Үлкен үйлер, ендеше, үлкен үйлер,

Үлкен үйге жарасар тұтқан шилер,

Үлкен де отыр бұл жерде, кіші де отыр,

Қандай өлең айтайын аға-билер.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі