БЕС АҒАШТАН ЕР ҚОСТЫМ ҚИЫСТЫРЫП

631 >>

Келдім ғой ат терлетіп талай жерден,

Адамға ештеңе емес алған-берген,

Ол жалғанның қызығы бейіш дейді,

Бұл жалғанның қызығы тірі көрген.

632 >>

Сөйлейін сөйле десең қалқам қалап,

Жарасқан торғын шашқа алтын тарақ,

Мен-дағы әдейі аңсап келіп едім,

Бас қосқан мұндай сәтті құтқа балап.

633 >>

Қызыл тілім сөйлеші бұлбұлдайын,

Заман өтіп бараы жыл-жыл сайын,

Қайратыңның барында қапы қалма,

Жасытпай ма адамды құр уайым.  

634 >>

Айт десеңіз айтайын ән баяулы,

Жарлы болар жігіттің жаны аяулы,

Тіршілікте қалайық күліп-ойнап,

Өтіп жалған барады күн санаулы.

635 >>

Мен істеймін жұмысты өндірісте,

Оңтай тапсаң жарасар әрбір істе,

Озып шығып қатардан жүлде аламын,

Мен сенемін бойдағы қайрат-күшке.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі