БЕС АҒАШТАН ЕР ҚОСТЫМ ҚИЫСТЫРЫП

606 >>

Көзіңнен айналайын қой мақпалдай,

Құрбыңмен неге отырсың ойнап қалмай,

Құрбыңмен азғана күн ойнап қалсаң,

Жабарсың қабырғаңды бойдақ малдай.

607 >>

Егін-төгін тағы да, егін-төгін,

Майы шығар семіздің тартса түгін,

Күнде мұндай қуаныш бола бермес,

Айтып өлең кетейін осы бүгін.

608 >>

Қасың сұлу көрінер көзіңменен,

Ерітесің кісіні сөзіңменен,

Күнде мұндай кезіміз келе берсмес,

Айтып өлең кетейін өзіңе мен.  

609 >>

Ойда да отыр ауылым, қырда да отыр,

Қоңыраттар жағалай Сырда да отыр,

Тапсаң тәуір өлеңнің тазасын айт,

Үлкен-кіші сөзіңді тыңдап отыр.

610 >>

Қайыңның қар жұқпайды күрегіне,

Тартады жақсы нәрсе сүрегіне,

Үстіне тамашаның кезім келді,

Жеткізсін әр пендені тілегіне.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі