БЕС АҒАШТАН ЕР ҚОСТЫМ ҚИЫСТЫРЫП

586 >>

Елім жайлар, Сайрам су, күнгейіңді,

Саған ғана айтамын білгенімді,

Талабыңа нұр жаусын, ай-ау, бала,

Аман-есен тілеймін жүргеніңді.

587 >>

Ақ сағыз, қара сағыз, майда сағыз,

Алады тістің кірін шайнасаңыз,

Мойынды бұра тастап құлағың сал,

Өлеңім қара дауыл байқасаңыз.

588 >>

Лағыл ағы, жаным-ау, лағыл ағы,

Жүйрік айғыр бәйгеге шабылады,

Күнде мұндай кезіміз келе бермес,

Өлең айтып отырсаң неғылады.  

589 >>

Бір күнде аулыңа неше келдім,

Табылмады реті кездесердің,

Бірде өзім, бірде өзің күтуменен,

Түсер болдым көзіне мұндағы елдің.

590 >>

Ойлап тұрсам өмірім гүл емес пе,

Гүл өмірдің сұм фашис сұмы емес пе,

Есен-аман кездестік қосанменен,

Алдан күткен бақытым бұл емес пе.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі