БЕС АҒАШТАН ЕР ҚОСТЫМ ҚИЫСТЫРЫП

536 >>

Сыртқа жайды сырымды өлең шіркін,

Өлең айтар жігіттер мынау бір күн,

Үйде жатсам дем алып әттең мені,

Тоқтатпайды шақырып дүркін-дүркін.

537 >>

Мен өзім той боларын біліп келдім,

Сары атан ырғай мойын мініп келдім,

Думанды ұлан-асыр той болсын деп,

Бозбала, қыз-келіншек жиып келдім.

538 >>

Ән салсаң, өзімдей сал әнге салсаң,

Әнімді айтайын мен ұғып алсаң,

Бағасы бұл әнімнің бес мың теңге,

Әнімді өзіме бер ала алмасаң.  

539 >>

Ән салсаң, өзімдей сал ширатылып,

Қалады кескен терек қиратылып,

Барында оралыңның күліп-ойна,

Сала жүр осы әніме ырғатылып.

540 >>

Қош болғайсың, құрбыжан, қош болғайсың,

Өзім деген құрбыңмен дос болғайсың,

Бір табақтан дәм татқан құрбым едің,

Сәлем жолдап біздерді еске алғайсың.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі