БЕС АҒАШТАН ЕР ҚОСТЫМ ҚИЫСТЫРЫП

481 >>

Құндыздап киген киім жағаларың,

Тәңір артық жаратқан саналарың,

Көп айлар, көрмегелі көп күн болды,

Аман ба ақыл айтар ағаларың?

482 >>

Сылдырайды омырауда теңгелерің,

Өзіңе ақыл қосар – дем берерің,

Көп айлар, көрмегелі көп күн болды,

Аман ба жібек мінез жеңгелерің?

483 >>

Біліп ем сен де өлеңді дайындарың,

Қиыннан қиыстырған – дайын барын,

Көп айлар, көрмегелі көп күн болды,

Аман ба ашық-жарқын қайындарың?

484 >>

Сауықшыл, сәнқой еді ауылдарың,

Құптаған жақсылықты қауымдарың,

Тағы да сұрайтұғын тәуірім бар,

Аман ба арттан ерген бауырларың?

485 >>

Асуы бұл Алтайдың табан асу,

Жығылған тайлақ тайып жаман асу.

Кез болған қиуада қимас қалқам,

Тар жерде қиын екен амандасу.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі