БЕС АҒАШТАН ЕР ҚОСТЫМ ҚИЫСТЫРЫП

456 >>

Жігітке өлең де өлең, өрмек те өлең,

Тіл алғыш ертеменен елбектеген,

Қойғалы самаурынды шыққаныңда,

Етегі көйлегіңнің көлбектеген.

457 >>

Айтқан қандай өлеңді, қойған қандай,

Бір бешпентің үстінде жасыл таңдай.

Оралыңның барында ойна да күл,

Өтіп жастық барады атқан таңдай.

458 >>

Ат көркем көрінеді тұрманменен,

Дүние жеткізбейді қуғанменен,

Ақ көйлек – адал ниет кір шалған соң,

Не пайда, тазармайды жуғанменен.

459 >>

Белгісі той қылғанның отау жабар,

Қиқу сап жас балалар атқа шабар,

Той қылған қыз әкесі мырза болса,

Жігітке той бастаған шапан жабар.

460 >>

Келеді айым туып оң жамбастан,

Құдайым айырмасын тең құрдастан,

Құдайым айырғанша тең құрдастан,

Нетеді жаратпасаң әуел бастан.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі