БЕС АҒАШТАН ЕР ҚОСТЫМ ҚИЫСТЫРЫП

406 >>

Домбырам екі ішекті қу қарағай,

Не болған әнім саған сырғанамай.

Жан алғыш әзірейіл келсе жетіп,

Кетерсің алды-артыңа бір қарамай.

407 >>

Ендеше болғайсың, қош болғайсың,

Дізгінін ақ жорға аттың бос салғайсың,

Кеткенде жерің шалғай, ей, қалқатай,

Құрбыңды әрқашанда еске алғайсың.

408 >>

Ендеше өлең де өнер, өнер де өнер,

Жүйрік ат өрге шапса өршеленер,

Өлеңім өлеңіне сай келмесе,

Бәйгені жүйрік аттай ал да жөнел.

409 >>

Ендеше ән баяулы, ән баяулы,

Жігіттің жарлы болар жаны аяулы.

Өткізбе өміріңді бостан босқа,

Барады өтіп жалған күн санаулы.

410 >>

Ендеше тойлай келдік, тойлай келдік,

Қолға алып алтын сақа ойнай келдік,

Келген соң бекер қарап отырман деп,

Өлеңнің ұйқастарын ойлай келдік.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі