БЕС АҒАШТАН ЕР ҚОСТЫМ ҚИЫСТЫРЫП

381 >>

Айтайын, айт дегенің айда-сайда,

Ән білген әрқашанда болар пайда,

Барады күн санаулы өтіп жалған,

Ойнап-күл, ей, шырағым, осындайда.

382 >>

Айтайын, айт дегенің ән баяулы,

Жігіттің жарлы болар жаны аяулы.

Барында тіршіліктің күліп-ойна,

Барады өтіп жалған, күн санаулы.

383 >>

Айтайын, айт дегенің әнім саған,

Бермейді тұрып орнын танымаған.

Кісінің сыйласқандай баласы едік,

Өлең айт тәуір-тәуір жаным маған.

384 >>

Әуеде ұшып жүрген қара қарға,

Берейік өлең айтып ағаларға,

Бермесек өлең айтып ағаларға,

Кетеді бір мін тағып балаларға.

385 >>

Әуеде ұшып жүрген ақ сауысқан,

Жыл он екі ай болғанда ай ауысқан.

Оралыңның барында күл де ойна,

Бұл жалғанның қызығын кім тауысқан.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі