БЕС АҒАШТАН ЕР ҚОСТЫМ ҚИЫСТЫРЫП

376 >>

Айтайын, айт дегенің ау жасаған,

Сары атан ырғай мойын қам жасаған,

Барында тіршіліктің күл де ойна,

Құзғындай кім бар дейсің мың жасаған.

377 >>

Айтайын, айт дегенің әри-айдай,

Көп айтсам әри-айдай көңілге жай.

Бауырлар, мал жинасаң, жылқы жина,

Көрінер  жылқылы ауыл толған айдай.

378 >>

Айтайын, айт дегенің әри-айдай,

Көп айтса әри-айдай көңілге жай.

Барады өтіп жалған, күн санаулы,

Қалайық, ойнап-күліп осындайда-ай.

379 >>

Айтайын, айт дегенің айдайын көк,

Келеді айдайын көк ойнайын деп.

Барында тіршіліктің күліп-ойна,

Барады өтіп жалған қоймайын деп.

380 >>

Айтайын, айт дегенің айдай он бес,

Үйреткен асауынан тайдай он бес.

Барында тіршіліктің күліп-ойна,

Келмейді қайта айналып қайран он бес.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі