БЕС АҒАШТАН ЕР ҚОСТЫМ ҚИЫСТЫРЫП

361 >>

Қара судың басында шынар едім,

Басын тартсаң еппеннен сынар едім.

Атағыңды сыртыңнан естіп жүрмін,

Бір көруге өзіңді құмар едім.

362 >>

Қара суда қаймақ жоқ мұз болмаса,

Дәмі жоқ қой етінің тұз болмаса,

Жолаушы алыс жерге жүре алмаймын,

Біреуі жолдасымның қыз болмаса.

363 >>

Қара су есік алды шабағы бар,

Жасының ат жүрмейтін қабағы бар,

Барында оралыңның ойна да күл,

Барады өтіп жалған заманың тар.

364 >>

Көшкенде жылқы айдаймын кер кекілмен,

Ауық-ауық аймалар жел бетімнен.

Көш-жөнекей шырқатып ән салғанда,

Қыз-келіншек шаттанып тербетілген.

365 >>

Көшкенде жылқы айдаймын жалбаспенен,

Ортан жілік бітеді жамбаспенен,

Көрмелегі көп айдың жүзі болды,

Ауыл-аймақ аман ба мал-баспенен?

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі