БЕС АҒАШТАН ЕР ҚОСТЫМ ҚИЫСТЫРЫП

311 >>

Өлеңменен ер жігіт ер жетеді,

Жақсы өлең көңілді тербетеді,

Бір-екі ауыз шамалап өлең айттым,

«Әу!» деп қойсаң, қалқам-ау, нең кетеді?

312 >>

Өлеңді біз айтайық қаласаңыз,

Несіне бұл жалғанның таласамыз,

Біздерден ат пен түйе сұрамаңыз,

Азырақ өлең қолқа ала саңыз.

313 >>

Өлеңді айт дегенде ағылайын,

Мойныңа ақ меруерт – тағылайын,

Бұл тойда құдай оңдап жеңіп кеті,

Шытыңды алақандай не қылайын.

314 >>

Өлеңімнің басы еді сексен сегіз,

Тауға тары шықпайды екпесеңіз,

Бір-екі ауыз жел сөзді неге аяйын,

Үлкен аға, кіші іні сөкпесеңіз.

315 >>

Өлең деген ендеше өлең екен,

Өлеңді айтқан өмірде өнер екен,

Сөзін тауып өлеңді айтар едім,

Гүрілдеген дауысым келер ме екен.

баспаға әзірлеген

Бегімхан  Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі