ТАБИҒАТҚА БОЛАДЫ ҰНАҒАНЫ

241>>

Басында Қаратаудың қарға жүрер,

Шиқылдап қара жолмен арба жүрер,

Сен есіме түскенде сенер болсаң,

Шыбын жаным шырқырап зорға жүрер.

242 >>

Төрт дуадақ дегенде төрт дуадақ,

Қой жайылар көктемде көк қуалап,

Сен есіме түскенде қимас қалқам,

Жата алмаймын төсекте төрт домалап.

243 >>

Алматы біздің ауыл қырқасында,

Бір күн қар, бір күн жауын, бұрқасын да...

Мойныңа ақ білекті арта салсам,

Ақбілек айырылмаса – қырқасың ба?

244 >>

Келеді айым туып, күңгірт болып,

Қой өлер көктемеде қылқұрт болып,

Тіршілікте айтамын – ойна да күл,

Қаларсың өлгеннен соң жым-жырт болып.

245 >>

Қыз емес қыздың аты гүл емес пе,

Бір нәрсе қыздан жігіт тілемес пе,

Болғанда жігіт бұлбұл, қыз қызыл гүл,

Бұлбұл кеп қызыл гүлге түнемес пе!

баспаға әзірлеген             

Бегімхан Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі