ТАБИҒАТҚА БОЛАДЫ ҰНАҒАНЫ

176 >>

Жуантөбе, Тасты мен Шу жайлаған,

Бірге өсіп құрбыммен, бірге ойнаған,

Әрбір күнім бергісіз бір ғасырға,

Тамаша қызықты өмір гүл жайнаған.

177 >>

Шудан арман басталар Бетбақ дала,

Жайлауы ауылымның сала-сала,

Құс қанаты күйетін ыстық шөлге,

Мал бағып, сап түзеттік жаңа қала.

178 >>

Өлеңді білген де айтар, білмес те айтар,

Су ішіп Ақжайықтан жылқым қайтар,

Өлеңді біле тұрып айтпай кетсем,

Жақсының мың теңгелік көңілі айтар.

179 >>

Үштөбе, Жартытөбе, Балаторлан,

Балдысу, Қарабұлақ, Шолаққорған,

Болғанда келу оңай, кету қиын,

Қалқаның кете алмадым көңілін қия.

180 >>

Басында бұл Күртінің бір топ мия,

Келемін кер бестімен жылқы жия,

Болғанда келу оңай, кету қиын,

Қалқаның кете алмадым көңілін қия.

баспаға әзірлеген             

Бегімхан Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі