ТАБИҒАТҚА БОЛАДЫ ҰНАҒАНЫ

166 >>

Алтайдың салдым сайран күн бетіне,

Ақ қағаз жазу жаздым бір бетіне,

Өлеңді ақындықпен біз айтпаймыз,

Айтамыз көпшіліктің құрметіне.

167 >>

Ой, алтай, басың биік, шөбің сұйық,

Ойнайды бауырыңда арқар, киік,

Кір жуып, кіндік кескен қайран Алтай,

Кетеді сені ойласам ішім күйіп.

168 >>

Қара Ертіс, қайран өзен Нарын-Күршім,

Түскенде Күршім еске жат та күрсін,

Дүниеде туған жерге жетер қайда,

Шет жерде аңсап жүрген күнің құрсын.

169 >>

Біздің ел Қара Ертісті қыстайтұғын,

Шағимен түлкі тымақ тыстайтұғын,

Ей, тағдыр, мен не қылдым, сен не қылдың?!

Осынша шыбын жанды қыстайтұғын.

170 >>

Қаратау, Қасқамұрын қалдың бізден,

Шалғыны Мыңбұлақтың келер тізден,

Өзіңе тірі болсам оралармын,

Әзірет, айналайын күдер үзбен.

баспаға әзірлеген             

Бегімхан Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі