ДҮНИЕ – БІР ҚИСЫҚ ЖОЛ БҰРАҢДАҒАН

121 >>>

Тоқым салма жауырға жалды екен деп,

Жолдас болма жаманға малды екен деп,

Сынса-дағы сырлы аяқ сыны кетпес,

Күдер үзбе жақсыдан жарлы екен деп.

122 >>>

Сән болмайды жүйрікке қамшылаған,

Зәм-зәм артық дариядан, тамшылаған.

Отыз үйрек, қырық қаз алса-дағы,

Нәсілі артық сұңқардың қаршығадан.

123 >>>

Жігіт бол жігіт болсаң, тал жібектей,

Жарамас қатты болу тікенектей,

Білімің болса-дағы ұшан-теңіз,

Не керек өз жұртыңа қызмет етпей.

124 >>>

Білімдіні несіне жек көрейік,

Ақтан тауып несібе жеп көрейік,

Артық ақыл ойланып таба қалсаң,

Алыспай-ақ біреуге тек берейік.

125 >>>

Басында биік таудың жалғыз терек,

Жігіткесыр шашпайтын жолдас керек,

Дүние ойлап тұрсаң түпсіз дария,

Батпайтын дарияға кеме керек.

баспаға әзірлеген             

Бегімхан Ибрагим (КЕРІМХАНҰЛЫ) >>

Ақсу қаласының Абай атындағы ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі