ДҮНИЕ – БІР ҚИСЫҚ ЖОЛ БҰРАҢДАҒАН

106 >>>

Мінген атым астымда ақтанау кер,

Ақтанаудан оза алсаң мақтана бер,

Ақтанауға құлпыртып мінгенімде,

Көрінеді бірдей боп ылди мен өр.

107 >>>

Өтіп дәурен барады соққан желдей,

Бір кеткен соң зар қылар қайтып келмей,

Оралыңның барында ойна да күл,

Дүниеде жүрмейсің ақыр өлмей.

108 >>>

Өлеңшілер өлеңнің қыр гүліндей,

Жүрмін жарап Әлінің дүлдүліндей.

Сан күлгенім, сан ойнап жаманменен,

Болмайды екен жақсының бір күніндей.

109 >>>

Ат жетім өрен жүйрік шабылмаса,

Топ көріп ащы тері арылмаса,

Болады теңдесі жоқ кәрі жетім,

Бас тартар кірерге үй табылмаса.

110 >>>

Арғымақтан ат жақсы шабыс болса,

Ағайыннан жат жақсы таныс болса,

Досың күліп, дұшпаның табалайды,

Бір нәрседен аяғың шалыс болса.

баспаға әзірлеген             

Бегімхан Ибрагим (КЕРІМХАНҰЛЫ)

Ақсу қаласының Абай атындағы №2 ЖОББ мектептің қазақ тілі мен әдебиеті мұғалімі

Павлодар облысы

Қазақстан Журналистер Одағының мүшесі